Видео+Фото: Македонското знаме подигнато на Вол Стрит

Вчера во чест на Денот на независноста на РМ, а во организацијана Генералниот конзулат на Република Македонија во Њујорк и Обединетата македонска дијаспора, се одржа церемонија на свечено подигнување на македонското државно знаме.

Церемонијата се одржа на една од најпосетените и најатрактивни локации во Њујорк, споменикот на Бикот во близина на Берзата на Вол Стрит, пред поголем број Македонци, претставници на бизнис заедницата и општествениот живот во Њујорк, како и многубројни туристи од целиот свет. Знамето свечено го подигнаа генералниот конзул на РМ во Њујорк, г-динот Гоце Карајанов и амбасадорот на РМ при ООН, г-динот Васко Андоновски.

image-f60019dc396b1e4c485b51d97e7871f38f76010c07d963b18cfc9fd57a77653b-V

На настанот говореа генералниот конзул на РМ во Њујорк, Гоце Карајанов и претседателот на ОМД Методија Колоски, а присутните ги поздрави и Ибрахим Куртулус, од турската дијаспора во Њујорк.

image-39f434e7fce007c7912f156d24eefc384677664b5ab46e8a12723033ab36c664-V

Карајанов истакна дека ова е историски момент, кој се случува за прв пат во градот Њујорк, и изрази надеж дека ќе прерасне во убава македонска традиција.

„Светот не бил секогаш фер кон нас, Македонците, но ние никогаш не сме плашеле да се бориме за нашата слобода и независност. Денес, Од „главниот град на светот“ сакаме да испратиме порака дека Република Македонија и Македонскиот народ се реалност, а процесот на понатамошен развој на татковината – неповратен“, истакна Карајанов.

image-6bcb796c3feac8d7edf9f57df89e0ced097091c635c0e3e941c45c1b81e6e126-V

Претставниците на ОМД беа облечени во традиционални македонски фолклорни носии и претставуваа атракција за многубројните туристи од целиот свет.

image-5e4ab5f60fbad143b0897a62b29571890c388d68d4de453ec3d0d36495bbb09f-V

Државното знаме на Република Македонија ќе се вее на Вол стрит до 11 септември 2014 г., каде во чест на жртвите од терористичките напади, повторно ќе биде подигнато американското знаме.

Доколку преземете содржина од оваа страница, во целост сте се согласиле со нејзините Услови за користење.