Макрон ги поздрави „големото единство и позитивниот дух“ на самитот на Г7 во Бијариц

18

Самитот на Г7 во Бијариц заврши и ќе остане забележана изненадувачката вчерашна посета на иранскиот министер за надворешни работи Мохамад Џавад Зариф и од загриженоста за трговската војна меѓу САД и Кина, јавува дописникот на МИА.

Емануел Макрон на крајот од самитот го поздрави „големото единство и позитивниот дух што излезе од овој Г7. Постојат многу линии на сила и договори што се појавија, забележа тој во првата проценка на овој меѓународен настан….

Од овој самит се изроди заедничка изјава во која се наведува дека „лидерите постигнаа напредок, особено во однос на даночните проблеми“,

-Г7 се залага за отворена и фер глобална трговија и за стабилност на светската трговија“, рече Макрон. Според него самитот во Бијариц  е еден од најевтините во историјата.

-Овој самит чинеше речиси десет пати помалку од претходниот, а јас го споредив со последниот што Франција го организираше во Довил во 2011 година. Тој чинеше 31 милиони евра. Сега потошивме 21 милиони евра “, потврди тој.

Во однос на климата и биодиверзитетот, францускиот претседател изнесе финансиски обврски за „Зелениот фонд“.

-Три земји најавија удвојување на нивните придонеси, вклучувајќи ја и Франција“, рече тој.

Конечно, Русија ќе го активира процесот на ратификација на Парискиот договор, што е стопиран веќе две години. Во однос на неутралноста на јаглеродот, „успеавме да ја убедиме Кина, која го започна овој процес и имавме други земји кои ни се придружуваат, вклучувајќи ја и Индија“.

Формирана е и коалиција за борба против ХФЦ гасовите, кои можат да се најдат во клима уредите, со помош на Индија. Постигнат е и необјавен договор за поморскиот превоз.

-Им благодарам на француските превозници, кои презедоа многу јасни обврски да не го користат патот кон Северот, тие велат дека нема да прават бизнис на глобалното затоплување, а пред сè, беше утврдена обврска да се намали брзината. “.

Во текстилниот сектор, неколку играчи во овој сектор се обврзаа да ги ограничат своите отпадоци и емисии. „Ова е втор најзагадувачки сектор зад транспортот“, рече претседателот. Затоа, тие ќе се вклучат во конкретни иницијативи кои вклучуваат употреба на материјали за рециклирање.

Друг аспект на овој Г7 се меѓународните односи, особено во однос на договорот за Иран. Доналд Трамп и неговиот ирански колега Хасан Рохани изјавија дека тие се за состанок ако „околностите“ се исполнат по неколкунеделната интензивна криза меѓу двете држави. Емануел Макрон ќе го повика телефонски  претседателот Рохани „во следните неколку часа“, најави тој.

Во врска со Украина, се очекува да се одржи самит во септември меѓу украинските и руските лидери. Од друга страна, не беше пронајдена едногласност во врска со враќањето на Москва на масата на овој самит и со тоа да се врати на Г-8.

-Сè додека не се реши оваа криза, не е соодветно да се покани Русија на масата на Г7. Но, сите рекоа дека е важно да разговараме со Русија , рече Емануел Макрон.

За Либија членовите на Г7 едногласно го поддржаа договорот со кој се воспоставува поддршка за примирје во земјата и се повикува на меѓународна конференција на која учествуваат сите актери вклучени во овој проблем.

-Сите присутни држави одлучија да го поддржат примирјето и траен прекин на огнот, но и патоказот претставен од Обединетите нации. Тие предлагаат меѓународен состанок. Се надеваме дека ќе се одржи што е можно поскоро , рече францускиот претседател.

За Сирија, постои заедничка порака на „загриженост“ за ситуацијата во Идлиб.

-Сите сме загрижени за заштитата на цивилното население, но и хуманитарните работници и бранителите на човековите права, рече Емануел Макрон.

Во однос на Северна Кореја, Г7 сака да се потсети на посветеноста на решението што вклучува „денуклеаризација на полуостровот“, но и „целосно почитување на човековите права“. Конечно, францускиот претседател повика на „избегнување насилство“ во Хонг Конг.

Доколку преземете содржина од оваа страница, во целост сте се согласиле со нејзините Услови за користење.