Малолетници нападнати на спортско игралиште

22

47-годишниот М.М. од гостиварска Топлица вчера во 22:20 часот во СВР Тетово пријавил дека неговиот малолетен син и негов другар околу 18 часот на спортско игралиште во гостиварската населба Малеарди биле физички нападнати од 5 малолетници од Гостивар, информира портпаролот на СВР Тетово, Марјан Јосифоски.

Според пријавеното, тие во нападот користеле и метални и дрвени предмети.

Лицата се идентификувани и денеска се повикани во Полициската станица Гостивар за расчистување на случајот, по што против нив ќе следуваат соодветни поднесоци.

Доколку преземете содржина од оваа страница, во целост сте се согласиле со нејзините Услови за користење.