Марко Вујин две години во европскиот шампион Вардар

Европскиот шампион Вардар денеска го официјализираше и одамна најавеното засилување на десната бековска позиција, Марко Вујин.

Поранешниот српски репрезентативец и член на Синтелон, Дунафер, Веспрем, Кил и Спортинг Лисабон потпиша договор на две сезони со „црвено-црниот“ тим.

Вујин минатата сезона во дресот на португалскиот Спортинг се врати на ракометните терени, а во Вардар би требало да ја врати и старата форма.

Македонскиот тим досега ги официјализираше трансферите на Кантегрел, Векиќ, Гаџа, Георгиевски, Талески и Вујин, па останува да бидат потврдени уште оние на Јагуриновски и Јотиќ.

Вардар стартува со подготовки на 18 јули.

Доколку преземете содржина од оваа страница, во целост сте се согласиле со нејзините Услови за користење.