Поранешната германска канцеларка Ангела Меркел ги опиша случувањата во Украина како „длабока пресвртница во историјата на Европа по крајот на Студената војна“.
„Оваа агресивна војна на Русија означува длабока пресвртница во историјата на Европа по крајот на Студената војна“, изјави Меркел за новинската агенција ДПА во петокот. Таа ги нарече дејствијата на Москва прекршување на меѓународното право и ги осуди „најстрого можно“.
Меркел беше германска канцеларка кога се случи државниот удар во Украина во 2014 година.
Рускиот претседател Владимир Путин во четвртокот наутро во телевизиско обраќање рече дека како одговор на барањето на шефовите на републиките во Донбас донел одлука да спроведе специјална воена операција со цел да ги заштити луѓето „кои страдаат од злоупотреба и геноцид од режимот во Киев во текот на осум години“. Рускиот лидер истакна дека Москва нема планови за окупација на украински територии.
При разјаснувањето на развојот на настаните, руското Министерство за одбрана увери дека руските трупи не се насочени кон украинските градови, туку се ограничени на хируршки удари и онеспособување на украинската воена инфраструктура. Нема никакви закани за цивилното население.
