Мерко наредил уривање на ѕид во штабот на „Алијанса за Албанците“

Градоначалникот на Струга, Рамиз Мерко наредил да се урне ѕид на штабот на партијата „Алијанса за Албанците, јавува порталот на албански јазик „Алмакос“.

Според објавената информација, ситуацијата во Струга е тензична по инцидентот.

На бандитски начин по наредба на Рамиз Мерко, денеска околу 10.30 часот искршен е зидот кој го дели објектот на општината и штабот на „Алијансата за Албанците“. Овој начин на дејствување на Рамиз Мерко е познат од порано, бидејќи овој човек е експерт за узурпација на имоти и дивоградби. Им укажуваме на Рамиз Мерко дека проблемите што ги има со македонските партнери не може да ги дефокусира и да се одмаздува кај Албанците. Ние ќе ги следиме сите правни начини за одбрана на штабот и членството на Алијансата. Плановите на Мерко и фамилијата не може да бидат на грбот на Алијансата и нејзините членови, реагираат од партијата.

Доколку преземете содржина од оваа страница, во целост сте се согласиле со нејзините Услови за користење.