Агентинскиот селектор Лионел Скалони му оддаде почест на Лионел Меси, фалејќи го капитенот на својот тим и откривајќи дека играл повредени во победета во финалето Копа Америка над Бразил со 1:0.
„Само да знаете што сѐ поднесуваше и начинот на кој играше на Копа Америка, би го сакале уште повеќе“, изјави Скалони на прес-конференцијата по славењето на Аргентиците на стадионот „Маракана“ во Рио де Жанеиро.
Аргентина со овој триумф над Бразил во финалето на Копа Америка ја освои својата прва титила на големо натпреварување по 28 години.
Триесет ичетиригодишниот Лионел Меси, честопати сметан за најдобар фудбалер на светот, со ова ја освои својата прва меѓународна титула во репрезентативниот дрес.
„Никогаш не можете да играте без играч како него, дури и кога не е целосно во форма или е повреден“, рече Скалони кој не кажа од каков карактер е повредата, но искажа бројни пофалби за Меси.
Пред одигрувањето на финалето беше објавено дека Аргентинецот Лионел Меси и Бразилецот Нејмар го поделија признанието за најдобар фудбалер на јужноамериканското фудбалско првенство Копа Америја кое се одржува во Бразил.
Стручната комисија на Јужноамериканската фудбалска конфедерација (Conmebol) во своето соопштение објави дека е невозожно да се одреди само еден играч како најдобар на овој турнир.
Меси првенствено го заврши со четири погодоци и пет асистенции, а Нејмар впиша два гола и три асистенции.
