Македонија

Мицкоски: „Кацарска-судството“ има за цел да го уништи ВМРО-ДПМНЕ

Мицкоски: „Кацарска-судството“ има за цел да го уништи ВМРО-ДПМНЕ

Се води судски процес против ВМРО-ДПМНЕ, за да се затскријат погрешните политики на Владата на СДСМ, обвини претседателот на опозициската партија, Христијан Мицкоски, при средба со симпатизерите и членовите на партијата од Кисела Вода.

Ова Кацарска судство и Русковска обвинителство со овие искреирани, исценирани сведочења на кои што сме сведоци изминативе денови има за задача да го реализира проектот како да се уништи ВМРО-ДПМНЕ. Тие се свесни дека се додека дише ВМРО-ДПМНЕ, се додека е силно толку повеќе нивните политички кариери се доведени под знак прашање. Едниот проект е како да се уништи ВМРО-ДПМНЕ, а другиот проект е да збориме за се, јас би рекол да дехидрираат од плукање врз Христијан Мицкоски и ВМРО-ДПМНЕ, а притоа да не направат реформа во здравството ниту да ја подобрат економијата ниту образованието нити некој нов проект да направат со кој практично ќе исполнат елементарно ветување со кое излегоа пред граѓаните, рече Мицкоски.

Тој посочи дека ова било кажано уште пред неколку месеци и дека СДСМ се целосно насочени кон криминалот и кон фингираните судења кои се случуваат во позадина за да не може јавноста да зборува за тоа.