Мицкоски: Не го разбирам Заев зошто одбил помош за руските вакцини против корона, но не му смета неговите фирми да извезуваат во Русија за свој ќар

Претседателот на ВМРО-ДПМНЕ, Христијан Мицкоски, вечерва во гостување на порталот Инфомакс, вели дека не го разбира Заев зошто воопшто одбил помош за руските вакцини кога се дозволени во Европската унија, додека лицемерно компаниите на Заеви извезуват земјоделски производи во Русија за сопствен бенефит, а тука станува збор за здравјето на граѓаните.

– Мислам дека секоја помош требало да се прифати и да се обезбедат час поскоро, ако е точно дека одбиле тогаш тие напраавиле сериозно злодело и недело – истакна Мицкоски.

Тој вели дека и во Германија ги користат руските вакцини, кои се проверени и имаат добиено дозвола и во Европската унија.

– Ако нашиве се плашеле од руската вакцина, а од друга страна не им е страв да извезуваат земјоделски производи од компаниите на Заеви во Русија, тогаш тоа е лицемерие, затоа што сега станува збор за здравјето на граѓаните – потенцираше Мицкоски.

Тој истакна дека не е важно дали е руска, германска, кинеска вакцина чим Европската унија ги дозволила не ја разбира причината зошто власта ја одбила истата.

– Криво ми е навистина кога гледам како цел свет се вакцинира, а ние кршиме прсти – заклучи Мицкоски.

Доколку преземете содржина од оваа страница, во целост сте се согласиле со нејзините Услови за користење.