Бев на средба со оризопроизводителите од Долни Подлог. Тврдат дека се брутално излажани од Владата, никаде ја нема помошта и субвенциите кои ги имаат ветено, цената која е формирана, и она што сега постои е под секоја економска логика. Им рекле да чекаат да се направи ребаланс. Помошта ја нема, а состојбата е алармантна, напиша лидерот на ВМРО-ДПМНЕ Христијан Мицкоски по денешната средба со оризопроиводителите од Долни Подлог кај Кочани.
Вечерва Мицкоски присуствувана отворањето на новиот партиски шатб во Кочани.
“Нема шанса да издржиме, земјоделието е пред пропаст, ние сме последните ентузијасти кои се занимаваат со земјоделие. Влеговме во долгови, а притисоци ни прават на секој чекор, ако се побуниме уште криминалци ќе не прогласат. Ако се во можност и душата ќе ни ја земат”, вели револтирано и со солзи во очите еден од земјоделците со кои разговарав.
Оваа измамничка и криминална каста си поигрува со судбините на илјадници семејства, вели Мицкокси и истакнува дека тие не бараат милостина, туку она што го имаат заслужено и заработено, и она што Владата им го ветила.
„Животот на Заев прерасна во пекол за земјоделците и сите останати граѓани, овде е борбата за гола егзистенција. Овде во Подлог само „блеска“ сиромаштијата и маката на земјоделците и тоа мора да се смени. Промени кои ќе донесат обнова, кој ќе донесат достоинство и сигурност за земјоделците и секој еден човек. Ветувам дека ќе направиме се што е во наша моќ да влијаеме и работиме оваа катастрофа што сега народот ја живее да се промени“, и порача Мицкоски во Долни Подлог!
