Мицкоски: Сите жолти картони се потрошени, на ред е само црвениот а тој овојпат е кај народот

За власта, а особено за Заев ова е последната сламка за спасот. И не е незаслужено затоа што народот е против него. Тоа е последица на многу разочарувања и неисполнети ветувања. На многу порази, на многу горки чувства и подголтнувања покрај малите екрани гледајќи ги неговите пазарења, скандали и афери.

Ова во саботата вечерта го истакна лидерот на ВМРО-ДПМНЕ Христијан Мицкоски, кој вечерва од Долни Сарај во Охрид се обрати по повод празникот 23-ти Октомври, Денот на Македонската револуционерна борба.

„52 месеци е на власт и најмалку 3 пати вели дека ја разбрал пораката од народот и повторно продолжува по старо. Токму затоа народот е во апатија, затоа што гледа дека таквото поведение не се менува. Сите жолти картони се потрошени, на ред е само црвениот. А тој овој пат е кај неговото височество – народот“, додаде Мицкоски.

Доколку преземете содржина од оваа страница, во целост сте се согласиле со нејзините Услови за користење.