Вистината е дека на 21-ви април и на 5-ти мај, односно на првиот и вториот круг од претстојните претседателски избори, ние победуваме и готово е со оваа власт, порача во четврокот вечерта челникот на најголемата опозициска партија ВМРО-ДПМНЕ, Христијан Мицскоски, на предизборниот собир во скопската општина Кисела Вода.
Првата добра вест со којашто ги почнувам митинзите ќе ја пренесам и овде во Кисела Вода која што секогаш била огромна моја инспирација. Некако митингот ми се погоди пред Пеленица, па еве ја користам оваа прилика да ве поканам во Сабота. А потоа од Пеленица на големиот сенароден митинг на идниот претседател на Републиката професорката Гордана Силјановска Давкова. Веста кој што секаде низ цела Македонија се говори некаде гласно некаде тивко но вистината е дека на 21 април и на 5 – ти мај победуваме готово е . Готови се, порача мицкоски.
Мицкоски потенцираше дека народот е тој кој што треба да ги креира политиките, а не обратно односно да се креираат политики за народот без негова консултација како што е тоа сега случај со Владата на Зоран Заев.
И додека господинот Зоран Заев заедно со неговиот избраник Пендаровски си потпевнуваат по некоја песничка и додека на луѓето им се закануваат дека ако не победел пред очи да не им излегле , ние сме заедно со народот и заедно со овој народ ќе ви покажеме што значи вистинска сенародна победа на најголемата коалиција во историјата на независна Република Македонија на 21 Април а потоа и на 5 -ти Мај. Народот е тој што ги креира и тезите и политиките ние сме тие кои што треба да бидат поразлични а не како што беше до сега неколкумина позади фино оптегнати во кожни фотелји и креираат политики а овие другите се само гласноговорници и тие политики му ги соопштуваат на народот без да се консултираат без да го прашаат народот што мисли за тие политики. Е овој пат браќа и сестри ќе дојде поинаква реалност во Македонија каде што политичарите ќе се одликуваат со сопствената честитост , каде што зборот на политичарот ќе држи и каде што политиките политичарот ќе ги гради заедно со граѓаните и помеѓу граѓаните изјави Мискоски.
Претседателот на ВМРО ДПМНЕ Мицкоски потенцираше дека ИТ компаниите ги селат своите фирми а младите си заминуваат од државата . Мицкоски кажа дека поразителните политики на Владата предизвикале да ни се случат празни градови поради зголемената иселеност .
Денеска гледаме како ИТ компаниите го селат својот бизнис а нашите програмери нашите инженери остануваат без работа и ја напуштаа Македонија, односно државата. Тоа што порано беше празни села е стара вест сега се празни градовите кажа Мицкоски.
Мискоски кажа дека кандидатот за претседател Гордана Силјановска Давкова не е случаен избор на ВМРО ДПМНЕ. Мицкоски потенцираше дека професорката Гордана ги има сите човечки и професионални капацитети да ја извршува функцијата претседател на државата.
Гордана Силјановска Давкова е жена, професор , сестра, колешка, мајка, сопруга, сосетка која што е почитувана од сите сограѓани, пријатели колеги онаму каде што функционира. Затоа што Гордана Силјановска Давкова е најинспиративниот професор на правниот факултет затоа што Гордана Силјановска Давкова не се срами да го пренесе своето знаење на помладите колеги, затоа што Гордана Силјановска Давкова кога требаше беше во првите редови и застана во одбрана на државниот и националниот интерес прво во 2004 година и сега во 2018 година, додаде Мицкоски.
