Мицкоски: ВМРО-ДПМНЕ подава рака на сите партии кои се против Заев, криминалот и стагнацијата

Претседателот на ВМРО – ДПМНЕ Христијан Мицкоски во гостување на емисијата „360 степени“ на Алсат М телевизија кажа дека ВМРО-ДПМНЕ е подготвена да разговара со секој оној кој цени и мисли дека Зоран Заев и СДСМ треба да си заминат од власт.

Мицкоски во врска со разликите во стојалиштата на различните партии направи споредба дека и во едно семејство секој нема да се сложува со секој но генерално доколку се има заедничка цел, а тоа е градење на семјеството тогаш разликите се надминуваат.

Претседателот на ВМРО-ДПМНЕ, Мицкоски појасни дека доколку се има заедничка цел која што е цел над сите цели, а тоа е симнување од власт на Заев и СДСМ, борба против корупцијата и стагнацијата во државата тогаш ВМРО-ДПМНЕ е подготвена да седне и да комуницира за заедничките разлики.

„Секој оној кој што цени и мисли дека Зоран Заев и оваа Влада на СДСМ лошо работат, подготвен сум со секого да седнам и да разговарам. Видете и дома нема да се сложувам секогаш со Јован, Рози и Антонио. Генерално имаме една заедничка цел да го градиме нашето заедничко семејство. Ако ние имаме една заедничка цел која што е цел над сите цели, а тоа е апсолутно да можеме да седнеме и да комуницираме за нашите разлики“, рече Мицкоски.

Мицкоски истакна дека ВМРО-ДПМНЕ е подготвена да разговара не само со Левица, туку и со сите други партии кои што се идентификуваат како партии кои припаѓаат на опозициското политичко крило, а кои сакаат оваа влада за замине.

„Не само со Левица и со Солза Грчева, и со сите останати кои што се идентификуваат како политички партии кои што припаѓаат на опозициското крило и кои што сакаат оваа Влада да замине се добродојдени да разговараме“, кажа Мицкоски.

 

Доколку преземете содржина од оваа страница, во целост сте се согласиле со нејзините Услови за користење.