Претседателот на ВМРО-ДПМНЕ, Христијан Мицкоски оствари средба со претседателот на Националниот Демократски Институт, Кенет Волак, кој на средбата беше придружуван од Роберт Бенџамин, Директор за Централна и Источна Европа и Иван Дохерти, Директор на Програмата за политички партии.
Од ВМРО-ДПМНЕ информираат дека на состанокот соговорниците се осврнале на пријателството помеѓу Република Македонија и САД и начините преку кој што може да се влијае за понатамошно подобрување на билатералните односи помеѓу двете земји.
Мицкоски го информираше Волак за актуелните политички случување во Република Македонија и тоа посебно за непостоењето на конкретни чекори насочени кон реформи во општеството, севкупната правна несиурност како и слабите економски индикатори кои се бележат во последниот период. Соговорниците се согласија дека односите помеѓу Националниот демократски институт и ВМРО-ДПМНЕ функционираат одлично, но и дека е потребно надградување на истите преку различни програми и проекти кои се поддржани од НДИ како преку институциите на власта, така и директно со ВМРО-ДПМНЕ како најголема опозициска партија, се наведува во соопштението на ВМРО-ДПМНЕ.
