Мигранти од Сирија најдени во Струмица

На 27.09.2022 на ул.„Климент Охридски“ во Струмица, во патничко возило „бмв“ со скопски регистарски ознаки, полициски службеници од Регионалниот центар за гранични работи Исток пронашле 11 лица мигранти, сите од Сирија.

Претходно, на место викано „Куклишка крстосница“, возилото не застанало на даден знак за запирање од полициски службеници од СВР Струмица, по што било пронајдено на ул.„Климент Охридски’’.

За настанот бил известен Јавен обвинител, по чија наредба мигрантите биле сместени во прифатно-транзитен центар. Се преземаат мерки за расчистување на случајот.

Доколку преземете содржина од оваа страница, во целост сте се согласиле со нејзините Услови за користење.