Милановиќ ќе ја поддржи Колинда за амбасадор, ако таа сака

Новоизбраниот хрватски претседател Зоран Милановиќ во првата изјава за медиумите по изборната победа, рече дека разговарал со премиерот на Хрватска Андреј Пленковиќ и со актуелната претседателка Колинда Грабар-Китаровиќ, како и со други политичари од Хрватска, Европа и светот кој му ја честитале победата, пренесува „Индекс.хр“.

– Вистина е, разговаравме телефонски, ми се јави и Пленковиќ и госпоѓата Китаровиќ. Вчера одговарав на пораки, честитики, на сите од Хрватска и светот – рече Милановиќ, кој новинарите го дочекаа пред неговата домашна адреса.

Тој ги коментираше и зборовите на премиерот Пленковиќ кој кажа дека меѓу нив ќе има „тврда кохабитација“, велејќи дека не знае што значи тоа и ќе мора да го разгледа Уставот на Хрватска.

Милановиќ додаде дека ќе ѝ даде поддршка на Грабар-Китаровиќ ако таа одлучи дека по претседателската функција сака да ја продолжи дипломатската кариера.

– Ќе ѝ дадам поддршка. Таа не е одговорна за никакви кривични дела и беше претседателка – посочи тој.

Китаровиќ-Грабар веќе еднаш ја извршуваше функција амбасадор, и тоа во 2008 година, кога беше избрана за амбасадорка на Хрватска во САД.

Доколку преземете содржина од оваа страница, во целост сте се согласиле со нејзините Услови за користење.