Миле Јанакиески започна штрајк со глад

116

Поранешниот Министер за транспорт и врски, Миле Јанакиески почнал штрајк со глад во затворот во Шутка откако вчера беше нападнат од обвинетите за тероризам во случајот „Диво Насеље“.

Како што дознава Press24 од свои извори во Истражниот затвор, Јанакиески утрово ја одбил и посетата на своите најблиски.

Јанакиески и поранешниот министер за образование и труд и социјала, Спиро Ристовски вчера во два одделни инциденти беа нападнати од две лица обвинети во предметот „Диво Насеље“. Поради здобиените повреди, Јанакиески беше префрлен во болница.

Екс министерот е притворен под сомнение за организација на настаните во Собранието на 27 април. Јавното обвинителство се уште не ги објавува доказите врз основа на кои, Јанакиески и уште 4 лица се сомничат дека го организирале насилството во Собранието.

Доколку преземете содржина од оваа страница, во целост сте се согласиле со нејзините Услови за користење.