Милер им се извини на навивачите на Баерн за катастрофалниот пораз од Борусија Менхенгладбах

Фудбалерот од средниот ред на Баерн, Томас Милер им се извини на навивачите за катастрофалниот пораз од Борусија Менхенгладбах.

Баварците синоќа на гостувањето во Менхенгладбах загубија со 5:0 во 1/16-финалето на Купот на Германија.

– Ништо не ни одеше. Не успеавме да го запалиме нашиот мотор. Останува само да им се извиниме на нашите навивачи и на Борусија. Со исклучок на Ноер, сите одиграа лошо. Ова никогаш не ми се случило. Многу тешко. Треба да го оставиме овој пораз зад нас, затоа што треба да играме во првенството во сабота, изјави Милер за официјалниот сајт на Баерн.

Поразот од Борусија Менхенгладбах е прв за Баерн по 43 години со пет или повеќе голови разлика.

Доколку преземете содржина од оваа страница, во целост сте се согласиле со нејзините Услови за користење.