Министерството за правда бара експерти за работната група за уставните измени

Министерството за правда денеска информира дека испратило писмени дописи со барање за номинација на претставници во работната група за измени на Уставот на Македонија. Дописи се испратени до Кабинетот на претседателот на државата Стево Пендаровски, Министерството за надворешни работи, Секретаријатот за европски прашања, парламентарните политички партии , експерти кои имаат познавања на уставната материја.
Рокот за номинирање на претставник е најдоцна до 10.04.2023 година.
Во барањето за номинација е наведено дека во интерес на исполнување на нашата обврска која произлегува од преговарачката рамка која усвоена од 27 земји членки на ЕУ, потребно е политичко обединување со цел да се загарантира европската перспектива на нашата држава. За таа цел потребно е да се определи претставник кој има познавање од областа на Уставното право кој активно ќе учествува во работната група при изготвувањето на уставните измени.

Доколку преземете содржина од оваа страница, во целост сте се согласиле со нејзините Услови за користење.