Митрески: Со предлог Законот за политички партии, застануваме во одбрана на антифашистичките вредности

Координаторот на пратеничката група на СДСМ, Јован Митрески, од собраниската говорница го обрзаложи предлогот за донесување на Закон за политички партии.

„Посебно во вакви услови, со се што се случува во државата, провокации кои предизвикуваат крајно негативни чувства кај граѓаните предлагаме донесување на Закон за политички партии по скратена постапка“, истакна Митрески.

Нагласи дека пратениците од позицијаат апсолутно немаат против никакво здружување на граѓаните според законот за здруженија и фондации и според законот за политички партии.

„Предлагаме политичките партии во своите програми, статут и дејствување да не можат да бидат насочени кон разгорување на национална расна или верска омраза, етничка нетрпеливост, нетолеранција, геноцид, екстерминација, ширење или поддршка на фашизам, нацизам, национал-социјализам или Третиот рајх или повикување на личности и настани поврзани со фашизам нацизам, национал-социјализам или Третиот рајх, а исто така мора да застанеме во обдрана на вредностите на коишто се темели нашата држава, а тоа се антифашистичките вредности“, порача Митрески.

Доколку преземете содржина од оваа страница, во целост сте се согласиле со нејзините Услови за користење.