МНР: Нема повредени Македонци во пожарите во Грција

Министерството за надворешни работи упати предупредување до граѓаните да не патуваат во регионите во Грција зафатени од пожари.

Заради пожарите кои се случуваат во областа Атика, во околината на Атина, препорачуваме државјаните на Република Македонија да избегнуваат патувања во тие региони. Ги информираме граѓаните дека засега македонски државјани не се обратиле за помош во нашето Дипломатско конзуларно претставништво Атина. Поради пожарите во Грција е прогласена вонредна состојба. Воедно, информираме дека контакт телефонот на Дипломатско конзуларно претставништво на Република Македонија во Атина е 0030 694 474 3071, соопшти МНР.

Доколку преземете содржина од оваа страница, во целост сте се согласиле со нејзините Услови за користење.