Пишев: Мора да има инситутионален одговор за криминалот на Заев

По логиката на Фатиме Фетаи општина Струмица имала превоз дупло поскап од Токио. Секому е јасно дека Владе Талевски е жртва на политички прогон на СДСМ и Специјалното јавно обвинителство, рече на денешната прес конференција пратеникот од редовите на ВМРО-ДПМНЕ Васил Пишев.

Тој рече дека оваа политичка хајка е разобличена и оти толерирањето од страна на СЈО на основани сомнежи за тежок и огромен криминал што се одвива во општина Струмица под покровителство на Зоран Заев ја урива објективноста на СЈО и ја покажува нивната инструираност.

Општината Струмица е претворена во една голема пералница на пари. Струмичани плаќаат два пати поскап превоз од една Битола. Згора на тоа фирми на функционери на СДСМ добиваат милионски бизниси. Фирмите Тритерол само од општина Струмица имаат добиено тендери од 1.150.000 евра, а тендери добивале и од втората општина каде СДСМ има градоначалник, општина Куманово. Додека СДСМ го насочува вниманието кон Битола и прави класична хајка, општина Струмица и Заев ја празнат општинската каса, и тендери добиваат фирми блиски до СДСМ. За ова треба да реагираат институциите. Мора да има инситутионален одговор за криминалот на Заев, рече Пишев.

Доколку преземете содржина од оваа страница, во целост сте се согласиле со нејзините Услови за користење.