Мурињо по деби победата со Тотенхем: Важно победивме, без разлика на кој начин

Тренерот на Тотенхем, Жозе Мурињо изрази задоволство од успешниот старт на тренерската функција во Тотенхем. „Спарс“ попладнево во градското дерби го совлада Вест хем со 3:2.

На почетокот на второто полувреме тимот предводен од Португалецот водеше со 3:0, но на крајот за млаку ќе останеше без трите бода.

– Јас сум многу среќен. Пред да примиме два гола, одигравме многу добро, го прикажавме на теренот она што го испробавме на тренинзите. Ја чувавме топката и можевме да направиме 4:0 и да ја убиеме играта. Имаме среќа што поминав толку многу години во Премиер лигата. Им кажав на играчите за време на паузата од мечот дека и во 85. минута да биде 3:0, не е ништо готово, изјави Мурињо.

Многу фактори играа улога. Емоции од разрешување на поранешниот тренер, враќање на играчи од националните тимови, замор од последните 20 минути. Главната работа е што победивме. Без разлика како. Момците се среќни и тоа е она што го сакав, нагласи предводникот на Тотенехм.

Португалскиот специјалист го презема тренерското место во клубот на 21 ноември.

Доколку преземете содржина од оваа страница, во целост сте се согласиле со нејзините Услови за користење.