Министерството за внатрешни работи (МВР), во пресрет на новогодишната ноќ, апелира граѓаните максимално да се воздржат од употребата на пиротехнички средства, како и од други нарушувања на јавниот ред и мир.

  • Неовластената употреба на пиротехнички средства е казнива согласно Законот за прекршоци против јавниот ред и мир, Законот за заштита од експлозивни материи и Кривичниот законик на Република Македонија. Неовластената употреба на пиротехнички средства (петарди, палење ракети и други пиротехнички средства) со кои се нарушува јавниот ред и мир и безбедноста на граѓаните се казнува со глоба во износ од 200 до 500 евра, порачуваат од МВР.

Воедно, апелираат и учесниците во патниот сообраќај да бидат внимателни и во целост да ги почитуваат сообраќајните правила и прописи, кое вклучува задолжително поседување на зимска опрема и да не седнуваат зад воланот под дејство на алкохол, а граѓаните да ги почитуваат законските прописи и да соработуваат со полицијата.

Сите нарушувања на јавниот ред и мир да ги пријават во полициска станица или преку бесплатниот телефонски број 192.

Skin Delight