МВР по налог на обвинителството реализирало следење лица од „Рекет“

29

Министерот за внатрешни работи Наќе Чулев на денешната прес – конференција потврди дека Министерството по налог на Основното јавно обвинителство релизира Посебни истражни мерки (ПИМ) за лица опфатени со случајот „Рекет“.

 Во однос на наведените три лица објавени во јавноста, МВР по налог на ОЈО ги реализирало ПИ мерките и тоа следење на комуникации и физичко следење на јавен простор со примена на технички мерки. Сите материјали од ПИ мерките се предадени на тогашниот министер Оливер Спасовски. Ги предал на Основното јавно обвинителство, а преку ОЈО до судијата на претходна постапка. Согласно внатрешните процедури и законот, МВР не е овластено и не смее да чува копија од доказниот материјал од ПИ мерките. Значи целокупниот материјал е доставене до ОЈО и моментално во МВР не се чуваат копии, рече Чулев одговарајќи на новинарско прашање.

За тоа дали постојат тонски записи  од примената на ПИ мерките. Чулев упати за одговор новинарите да побараат од претходниот министер за внатрешни работи или ОЈО.

Доколку преземете содржина од оваа страница, во целост сте се согласиле со нејзините Услови за користење.