Кошаркарите на МЗТ Скопје го победија на гостинскиот паркет Задар во првиот натпревар од доигрувањето за пласман во првата АБА лигата со 89:83 (30:18, 27:18, 22:25 и 10:22).
Скопскиот тим со тоа поведе со 1-0 во серијата до две победи, а до триумфот во Задар дојдоа благодфарејќи на одлучната игра во првите две четвртини по кои на одмор заминаа со 21 кош предност.
Потоа МЗТ во третата четвртина дојде и до предност од 28 поени, но во самата завршница паднаа и му дозволија на противникот да дојде до само пет поени заостанување (87:82), на 50 секунди до крајот. За нивна среќа, Задар немаше сили да направи целосен пресврт.
Најефикасни кај МЗТ беа Вудард со 22 и Иванов со 19 кошеви, а кај домашните по 19 поени поистигнаа Божиќ и Литл.
Вториот дуел ќе се игра во Скопје на 23-ти април, кога МЗТ пред своите навивачи по само една година да осигури враќање во елитното регионално натпреварување.
