На 13 октомври ќе се одржат парламентарни избори во Полска

21

Кабинетот на полскиот претседател Анджеј Дуда соопшти денеска дека парламентарните избори во земјата ќе се одржат на 13 октомври.

Повеќето анкети предвидуваат дека владејачката партија, Партијата на законот и правдата, ќе победи, благодарение на социјалните придонеси и силниот економски развој.

Од преземањето на власта, партијата е во судир со ЕУ во врска со судските реформи, како и миграциската и еколошката политика.

„Претседателот штотуку потпиша одлука за одржување на изборите на 13 октомври“, изјави портпаролот на полскиот претседател.

Најновата анкета на ИБРИС минатата недела покажа дека владејачката партија ќе освои 41,7 проценти од гласовите, додека водечката опозициска група, Граѓанската коалиција, ќе добие 25 проценти.

Доколку преземете содржина од оваа страница, во целост сте се согласиле со нејзините Услови за користење.