Најавен втор дел на филмот „Нож в грб“

33

Продукциската компанија Лајонсгејт официјално го потврди снимањето на продолжението на ланскиот филмски хит „Нож в грб“ (Knives Out).

Првиот дел досега заработи речиси 300 милиони долари. Филмот го сочинува ѕвездена актерска екипа: Даниел Крејг, Дон Џонсон, Џејми Ли Кертис, Крис Еванс, Ана де Армас, Тони Колет, Кристофер Пламер…

Крими-приказната на сценаристот и режисер Рајан Џонсон, на прилично оригинален начин ѝ оддава почит на Агата Кристи – една од најпознатите писателки на криминалистички романи. Филмот доби и номинација за Оскар за најдобро оригинално сценарио.

Глумецот Дон Џонсон, кусо пред оваа официјална потврда, во интервју изјави дека би сакал да има удел и во евентуален втор дел, каде детективот Беноат Бланк (Даниел Крејг) ќе истражува нов случај на убиство.

Доколку преземете содржина од оваа страница, во целост сте се согласиле со нејзините Услови за користење.