Двајца високи функционери на военото крило на палестинскиот исламски Хамас се додадени на црната листа на Европската унија, која воведува санкции против поединци и организации вклучени во терористички акти, објави денеска Советот на ЕУ.
Како што е наведено, санкциите меѓу другото се состојат и во замрзнување на сите средства што ги имаат во ЕУ.
Од денеска на списокот се Мухамед Деиф, главниот командант на военото крило на Хамас, Бригадите Ал Касам и неговиот заменик Марван Иса.
-Одлуката е дел од одговорот на ЕУ „на заканата од Хамас и неговите брутални и недискриминирачки терористички напади што се случија во Израел на 7 октомври 2023 година“, се нагласува во коминикето.
Палестинското исламистичко движење е признаено како терористичка група од Европската унија, како и од САД, Канада и Израел.
Се очекува ЕУ да воведе нови санкции против Хамас во наредните недели, изјави европски претставник кој сакаше да остане анонимен.
