На Гренланд состојба што научниците ја очекувале во 2070-та

184

Гренланд е познат по глечерите, но во изминатиот месец островот се топи со невидена брзина, а регистрирани се и пожари.
Научниците не очекуваа дека Гренланд ќе се топи со ова темпо уште педесет години, до последната седмица од јули, топењето го достигна ниво предвидено од климатските модели за 2070 година и тоа по најпесимистичко сценарио, објави ScienceAlert.

Ледената плоча на Гренланд изгуби 12,5 милијарди тони мраз на 1 август, најмногу за еден ден откако истражувачи започнаа со мерење на топењето на мразот во 1950 година, објави The Washington Post.. Драматичното топење сугерира дека ледениот покривач на Гренланд се приближува до пресврт што може неповратно да доведе до целосно исчезнување.

Ддоколку се случи тоа, катастрофалниот пораст на нивото на морето ќе ги проголта крајбрежните градови низ целиот свет. Сезоната на топење на мразот на Арктикот започнува секоја година во јуни и завршува во август, со врв на топење регистриран во јули.

Сепак, брзината на топење на мразот во Гренланд оваа година ги надмина рекордите. Од 30-ти јули до 3-ти август, топењето е забележано на 90 отсто од површината на Гренланд со 55 милијарди тони вода испуштена во текот на пет дена. Слично натпросечно топење е регистрирано во Швајцарија, глечерите изгубиле 800 милиони тони мраз таму за време на топлотните бранови во јуни и јули. Алјаска, исто така, во јули забележа рекордно топење на мразот.

 

Доколку преземете содржина од оваа страница, во целост сте се согласиле со нејзините Услови за користење.