Најмалку 20 загинати во земјотрес во западен Авганистан

Во земјотресот со магнитуда од 5,6 според Рихтер кој во понеделникот го погоди западен Авганистан загинале најмалку 20 луѓе, а уништени се стотици куќи, соопштија локалните власти.

Земјотресот погладнето ја погодил западната провинција Багдис, којашто граничи со Туркменистан, а главно се урнати куќи изградени од тули.

„За жал, прелиминарните податоци покажуваат дека загинале 22 лица, меѓу кои жени и деца, а четири лица се повредени“, изјавли Баз Мохамад Сарвари, директор на Центарот за информации и култура во провинцијата Багдис.

Бројот на жртвите би можел да расте, додал Сарвари и рекол дека регионот е погоден и од силни дождови.

Мула Џанан Саек од министерството за вонредни состојни го потврдил бројот на загинатите и рекол дека уништени се најмалку 700 куќи.

Епицентарот е регистриран на 40 километри источно од градот Калаји-Нау, административен центар на провинцијата Багдис, или на 141 километри североисточно од Херат, на длабочина од 10 километри.

Доколку преземете содржина од оваа страница, во целост сте се согласиле со нејзините Услови за користење.