Над 20 милиони луѓе во светот се вакцинирале со Спутник V  

17

Повеќе од 20 милиони луѓе ширум светот ја примиле руската вакцина против коронавирусот „Спутник V“, објави рускиот фонд за директни инвестиции (РПФИ).

Вакцината „Спутник V“ е одобрена во повеќе од 60 земји во светот, кои заедно имаат 3,2 милијарди жители, според РПФИ кој финансиски учествуваше во создавањето на медицинскиот препарат, а ја води неговата промоција во странство и склучува договори за продажба на производство на вакцината.

Рускиот претседател Владимир Путин рече дека предлогот фармацевтските компании да се откажат од правата на патенти за вакцините против Covid-19 е идеја што вреди да се разгледа и дека тој е отворен за тоа, пренесе Интерфакс. „Пандемијата е вонредна состојба“, рече тој.

Путин рече дека Русија произвела „лесна“ верзија на „Спутник V“, која сега е достапна во земјата. Оваа верзија се дава само во една доза и е речиси  80 проценти ефективна, според РФПИ.

Полесната верзија на вакцината делува побрзо, но и нејзиниот заштитен ефект трае пократко, според информациите објавени претходно.

Русија сега има четири вакцини против Covid-19 и произведени се 31,9 милиони дози.

9,4 милиони Руси, или 6,4 проценти од населението, биле целосно вакцинирани, а 9 проценти ја примиле првата доза, рече вицепремиерката Татјана Голикова.

Повеќето Руси, според анкетите, не сакаат да се вакцинираат.

Доколку преземете содржина од оваа страница, во целост сте се согласиле со нејзините Услови за користење.