Над еден милион ученици „ќе избегаат“ од часови заради Штрајкот за климата

8

На Штрајкот за климата во Њујорк, познат и како „Петоци за иднината“ учество ќе земат  околу 1,1 милиони ученици, објави Аксиос.

Директорите на училиштата во САД не знаат како став да заземат откако њујоршките власти сооптштија дека децата нема да добијат неоправдани за учеството во петочните протести.

Штрајкот за климата произлезе од протестот „Петоци за иднината“ , кој го започна шведската активистка, 16-годишната Грета Тунберг која секој петок изостануваше од настава за да протестира пред Владата во обид да ја поттикне да се заложи повеќе во борбата со климатските промени.

Протетсот на учениците во Њујорк има за цел да го сврти вниманието на јавноста кон заштитата на животната средина, на три дена пред Самитот на ОН посветен на климата. Над 115 држави и над 1000 градови изразија намера да се вклучат во протестите.

Доколку преземете содржина од оваа страница, во целост сте се согласиле со нејзините Услови за користење.