Надал по четврти пат го освои УС опен

Шпанецот Рафаел Надал е победник на годинашното издание од Грен слемот УС опен. Тој ноќеска во финалето, по речиси пет часа борба го совлада Русинот Данил Медведев со 3-2, по сетови 7:5, 6:3, 5:7, 4:6 и 6:4.

За Надал ова беше четврти трофеј во Њујорк и сега му фали само уште еден да се изедначи со Роџер Федерер.

Воедно за шпанскиот тенисер ова беше 19. Грен слем титула во неговата кариера.

Од друга страна, 23-годишниот Медведев остана бес трофејот во своето прво Грен слем финале.

Надал беше втор носител, додека Медведев петти фаворит на турнирот.

Вкупниот награден фонд на УС опен изнесуваше 57,2 милиони долари.

Шпанскиот фудбалски великан Реал Мадрид му го честиташе големиот успех на Рафаел Надал кој ноќеска го освои трофејот на УС опен.

„Легенда без граници. Честитки за вашата голема победа на УС опен. Реал Мадрид се гордее што сте почесен член на нашиот клуб“, се наведува во честитката од Реал Мадрид до Надал.

ПОВРЗАНИ НАПИСИПОВЕЌЕ ОД АВТОРОТ