Најава за дожд, грмежи и ветер

Променливо облачно со појава на пороен дожд и грмежи, претежно во северните и источните делови, ќе биде попладне, а локално ќе има и услови за поинтензивни процеси во форма на краткотрајно невреме со силен ветер, информира Управата за хидрометеоролошки работи.

Максималната температура е во интервал од 29 до 38 степени. УВ-индексот 8.

Во Скопје слично време, променливо облачно со сончеви периоди, а попладне ќе има нестабилна облачност со пороен дожд, грмежи и засилен ветер.

Во наредните денови времето ќе биде стабилно, суво и топло. Утре ќе дува повремено засилен северен ветер, особено долж Повардарието.

Највисоки температурите ќе бидат во четврток и во петок, од 32 до 39 степени.

Доколку преземете содржина од оваа страница, во целост сте се согласиле со нејзините Услови за користење.