Дваесет и шест жртви е билансот од нападот на најпосетуваниот аеродром во Пакистан, Карачи, соопштуваат денеска пакистанските власти. Потврдено е дека убиени се најмалку двајца цивили и 11 вработени на Меѓународниот аеродром.
Асим Бајва, портпаролот на пакиснатската војска, изјави дека сите 10 милитанти, кои го извршиле нападот се убиени. Милитантите носел униформа на службениците од обезбедувањето и биле обвиени со бомби.
Пакистантските припадници на Ал Каеда ја преземаа одговорноста за овој напад, наведувајќи дека е одмазда за пакистанскиот лидер на талибанците, Хакимулаха Масуди.
Нападот на аеродромот во Карачи започна кога напаѓачите упаднале во стариот терминал и почнале да пукаат кон обезбедувањето. Тој терминал се кориси како товарен и транзит за ВИП гости. Терминалот главно бил празен за време на нападот. Меѓутоа, фрлените бомби предизвикале голем пожар.
Бајава го отфрлил тврдењето дека милитантите уништиле два млазни авиони.
Доколку преземете содржина од оваа страница, во целост сте се согласиле со нејзините Услови за користење.
