Возило на Брза помош ноќеска околу полноќ било нападнато во близина на Центарот за зависници во скопската населба Кисела Вода, при што тешко е поврден возачот на амбулантното возило и искршени се стаклата.
Според информациите од Итната медицинска помош, возачот на возилото имал скршеница на раката и потрес на мозокот. Во текот на ноќта итно е опериран на Клиниката за трауматологија.
Полицијата информира дека екипата на Итната медицинска помош е нападната од засега непознати лица. Возачот, бил физички нападнат со тупаници, а докторката не била повредена.
