Наполи го потврди третото место во Серија А

Napoli's Diego Demme scores the 3-0 goal during the italian soccer Serie A match Spezia Calcio vs SSC Napoli at the Alberto Picco stadium in La Spezia, Italy, 22 May 2022 ANSA/FABIO FAGIOLINI

Во првиот натпревар од неделната програма од последното 38-мо коло од италијанското фудбалско првенство, Наполи за кој стартер беше македонскиот репрезентативец Ељиф Елмаз и го одигра целиот меч, како гостин со 3:0 ја совлада Специја.

Во резултатски неважниот натпревар сите голови беа постигнати во првото полувреме. Матео Политано уште во 4 минута со убава солоакција го доведе Наполи во водство, а по десетминутниот прекин поради влегување на гостинските навивачи на теренот, гостите уште двапати ја затресоа мрежата на Специја. Прво Пјотр Зјелински во 25 минута спакува во противничката мрежа еден отпадок, а во 36 минута Диего Демме беше прецизен од близина.

Наполи како третопласиран сезоната ја заврши со 79 бодови и пласман во Лигата на шампионите следната сезона, додека Специја остана 16-та со 36 бодови но обезбедни опстанок будејќи има пет бодови повеќе од позициите кои водат во втората лига.

На чело на Серија А е Милан со 83 бодови, два повеќе од градскиот ривал Интер, и за освојување на титулата, прва по 2011 година, му е потребен бод на гостувањето кај Сасуоло од 18 часот или истовремено Интер да не ја победи Сампдорија на свој терен.

Доколку преземете содржина од оваа страница, во целост сте се согласиле со нејзините Услови за користење.