Ндомбеле летово во Реал

Шпанскиот фудбалски гигант Реал Мадрид ќе се засили летово со 22-годишниот француски играч од средината Тангуи Ндомбеле, тврди мадридскиот дневен спортски весник AS.

Дефанзивниот играч за врска на францускиот прволигаш Лион, е изрична желба на тренерот на „кралевите“ Зинедин Зидан, а весникот AS наведува дека тој во екипата ќе дојде како замена за Бразилецот Каземиро, кој го најави своето заминување.

Роден во Конго, Ндомбеле е стандарден член на Лион, а ланскиот октомври дебитираше и за француската репрезентација. За него шпанските медиуми тврдат дека е „новиот Макалеле“, алудирајќи на прославениот француски фудаблер Клод Макалеле кој играше во Реал заедно со Зидан.

Доколку преземете содржина од оваа страница, во целост сте се согласиле со нејзините Услови за користење.