Не го прифатија предлогот на Милошоски за јавно претставување на кандидатите за уставни судии

Членовите на Комисијата за избори и именувања не го прифатија предлогот на пратеникот од ВМРО-ДПМНЕ Антонио Милошоски за јавно претставување на кандидатите за уставни судии.

За да не се наруши работата на Комисијата, пратеникот Милошоски предложи кандидатите кои сакаат да може лично да се претстават по расправата.

Еве оваа нека биде заклучокот за кој ќе гласа Комисијата. Не можеме на сила да донесеме кандидат ако тој лично не сака да се претстави, сепак и тоа ќе бде неков индикатор за кандидатот. Еве еден податок, предлогот Тања Васиќ пред неколку месеци магистрирала на Правниот факултет, а ментор и била професорката Родна Живковска, па јавноста нека суди која е поистакната правничка за да биде предложена за уставна судијка, рече Милошоски.

Според потпретседстелот на Собранието и член на комисијата Горан Мисовски, Комисијста сега треба да ги избере предлозитте за уставни судии според актуелниот Деловник, а во иднина да се доуреди во Деловникот изборот на уставни судии.

Доколку преземете содржина од оваа страница, во целост сте се согласиле со нејзините Услови за користење.