Не можел да гледа како домот му гори трет пат, се самоубил откако пожарот кај Атина стигнал до неговиот дом

Најмалку тројца повредени и еден починат, откако извршил самоубиство е билансот од големиот пожар во североисточниот дел на Атина, што веќе 17 часа е вон контрола и зафати неколку населби, јави дописничката на МИА од Атина.

Според грчките медиуми, полицијата пронашла мртов 84-годишен маж во неговиот двор, откако се самоубил со огнено оружје, веројатно поради огнената стихија што стигнала до неговата куќа и не можел да издржи да го гледа неговиот дом да гори по трет пат.

Од атинска болница, утрово соопштија дека од неколку населби зафатени од пожарот, со изгореници биле примени три лица.

Доколку преземете содржина од оваа страница, во целост сте се согласиле со нејзините Услови за користење.