Париз мора да има на ум дека Москва ќе ја смета француската војска во Украина за приоритетна цел, изјави постојаниот претставник на Русија во ОН Василиј Небензја на состанокот на Советот за безбедност.
„Кога веќе планира да испрати редовни војници во Украина, Париз треба да запомни една важна работа – тие ќе се сметаат за легитимна, па дури и приоритетна цел за нашата армија“, нагласи тој.
Дипломатот, исто така, истакна дека Западот веќе ја доведе Украина до работ на бездната и почнува да доживува „потреси“ бидејќи не можеше да ѝ нанесе „стратешки пораз“ на Русија.
„Сега можеме да констатираме дека обемот на учеството на Северноатлантската алијанса во Киев е многу поширок отколку што се обидуваат да замислат во Вашингтон и Брисел“, додаде Небензја.
Францускиот претседател Емануел Макрон рече дека Париз ќе стори сé за да ја спречи Русија „да победи во оваа војна“. На конференцијата за помош на Киев, тој го покрена прашањето за префрлање на војници во борбената зона, но ниту европските лидери ниту опозицијата во неговата земја не го поддржаа во тоа.
На почетокот на март, шефот на републиката исто така нагласи дека Франција „нема граници или црвени линии“ во однос на поддршката на Украина.
Како што пишува весникот „Монд“, француските власти почнале да ја разгледуваат можноста за трансфер на воен персонал во Украина во летото 2023 година. И во февруари, според публикацијата, Макрон рече дека „оваа година“ „ќе мора да ги испрати момците во Одеса“.
Во вторникот, директорот на руската служба за надворешно разузнавање, Сергеј Наришкин, изјави дека Франција веќе почнала да подготвува контингент за испраќање во зоната на конфликтот, а во првата фаза тој ќе изнесува околу две илјади воени лица.
Рускиот претседател Владимир Путин, во меѓувреме посочи дека воведувањето на европските трупи во Украина на ниту еден начин нема да ја промени ситуацијата на бојното поле и само ќе доведе до страшни последици за Киев. Како одговор на зборовите на Макрон за отсуството на црвени линии во Париз, рускиот лидер рече дека Москва нема да има ограничувања во однос на државите со таков пристап.
