Македонија

Невладини организиции и државни функционери се богатат со народни пари Немилосрдно се цицаат државни пари од Министерството за одбрана

Немилосрдно се цицаат државни пари од Министерството за одбрана

Министри, советници во владата на премиерот Зоран Заев и поддржувачи на СДСМ се дел од невладините организации кои добија пари за проекти од Министерството за одбрана. Вкупно 3.000.000 денари, министерството ќе им даде на девет здруженија на граѓани и фондации, по распишаан јавен повик, на 5 април годинава.

Невладината организација Евро-Атлантски совет на Македонија (ЕАСМ), доби 500.000 денари за проект „Школа за одбрана, безбедност и НАТО интеграции“. Проектот што ќе трае шест месеци, од јули до декември, предвидува реализација на 15 неделна школа за теми поврзани со НАТО интеграциите, безбедноста и одбраната.

Исмет Рамадани

ЕАСМ е невладина организација формирана 1997 година во Скопје, која  промовира евро-атланската идеја, и досега исто така имала соработка  со државните институции, особено со Министерството за надворешни работи и Министерството за одбрана. Претседател на ЕАСМ е Исмет Рамадани, кој премиерот Зоран Заев минатата година  го назначи за надворешен соработник за подготовка анализа и извештаи за остварување на стратешки приоритети и определби за членство во НАТО. Тој за своите советодавни услуги добива месечен надоместок од 40.000 денари.

Граѓанска асоцијација МОСТ, чиј претседател е Дарко Алексов, доби 300.000 денари за отворање на Инфо-центар за евроатлантски интеграции, исто, во времетрање од шест месеци.

Аксел Ахмедовски

Невладината организација „КХАМ“ од Делчево, доби 150.000 денари за сензибилизирње на женската популација од три локалитети на возраст од 17 до 20 години, преку информирање за можностите за школување на Воената академија. Претседател на „КХАМ“, е Аксел Ахмедовски, министер без ресор за имплементација на Стратегијата за Ромите, кој дојде на местото Самка Ибраимоски. Ахмедовски од 1994 до 2002 бил член на СДСМ, од 2008 до 2012 генерален секретар на Партијата за целосна еманципација на Ромите (ПЦЕР), а од 2013 потпретседател на оваа партија.

Институтот за европски политики -ЕПИ, за организирање на граѓанска дебата за НАТО, доби 400.000 денари од Министерството за одбрана. Директор на Институтот е Малинка Ристевска Јорданова, позната во јавноста како гласен поддржувач на СДСМ.

Малинка Ристевска Јорданова

Фондација за дебата и едукација ИДЕА Југоисточна Европа од Скопје, за  изработка на видеа за промоција на професионалната Армија на Република Македонија и доближување на Македонија до НАТО, од министерството ќе добие 500.000 денари. Оваа Фондација е дел од меѓународна мрежа на ИДЕА организации и главна дејност е  промоција на критичко размислување и учество млдите во процесот на креирање на политики. Целна група на Фондацијата се млади луѓе, студенти, активисти и младински граѓански организации.

Здружението Мултикултура, за изработка на проект за поддршка на интегративните процеси на Македонија во Евроатлантските структури, за шест месеци ќе добие 400.000 денари. Вулнет Зенки е извршен директор на здружението коешто промовира граѓански права преку промоција на младинскиот активизам и меѓуетничката толеранција.

Сојузот на извидници на Македонија, со 400.000 денари ќе треба да ја популаризира АРМ меѓу младите.

Сојузот на Борци НОАВМ 1941-1945 и граѓани подржувачи,  ќе учествуваат во проект за негување на ревулуционерните традиции и популаризација на воениот позив, за што ќе добијат 200.000 денари.

Организацијата на резервни офицери на РМ, чиј претседател е Ѓорѓи Малковски, ќе работи на едукација со цел мотивираност и мобилност на резервните офицери и подофицери. За оваа цел, Министерството за одбрана ќе им додели 150.000 денари.

Топ вести

собранието денеска одлучува за Собранието на Република Македонија денеска ќе ја одржи 61. седница на која на дневен ред e Предлогот за пристапување кон измена на Уставот на Република Македонија со насоки за негово изменување и дополнување поднесен од Владата. На матичната собраниска Комисија за уставни прашања во петокот по дводневна расправа, беа донесени заклучоци за пристапување кон уставни измени и Владата во рок од 15 дена да изготви нацрт-аманадмани и да ги достави до Парламентот. Поддршка за пристапување кон измените на Уставот дадоа пратеници на владејачкото мнозинство, додека пратениците од ВМРО-ДПМНЕ гласаа против. За да биде усвоена потребата од пристапување кон уставни измени треба да биде изгласана од две третини од вкупниот број пратеници во Парламентот. Во предлогот за измени на Уставот, кој Владата го утврди и соопшти во понеделникот, се предлага: Во целиот текст на Уставот пред Република Македонија се додава придавката северна; Измени во Преамбулата на Уставот со именување конкретни документи на АСНОМ заради усогласување со Договорот со Грција; Поцврста гаранција за трајноста на границите и дека Република Македонија нема територијални претензии и грижа за Македонците и дијаспората во странство што ќе значи дека Републиката ќе се грижи за културните, економските и социјалните права на нејзините припадници во странство без да се меша во суверените права на други држави и во нивните внатрешни работи. Од тоа дали ќе бидат обезбедени две третини за поддршка за измени на Уставот, ќе зависи и дали претстојат нови предвремени парламентарни избори, кои би се организирале со скратени рокови. Од ВМРО-ДПМНЕ порачаа дека уставните измени се апсолвирани и оти нивните пратеници нема да ги гласаат. Најавија дека се подготвуваат за избори. На состанокот на ИК на партијата викендов се разговарало за вонредните парламентарни избори и за термините за нивното одржување: 25 ноември, 2 декември, 9 декември или на пролет со акцент на подготовка на партиската инфраструктура, која е почната и подготовка на програмата со која ВМРО-ДПМНЕ ќе настапи на вонредните парламентарни избори. Премиерот Зоран Заев пак, остава простор и очекува денеска секој пратеник во Парламентот да се соочи со одговорноста и да се изјасни по своја сопствена волја, следејќи го правецот за развој на државата што, според него, го избраа огромното мнозинство од граѓаните кои излегоа и гласаа на референдумот. Имплемнтација на Договорот со Грција и усвојување на уставните амандмани очекува и меѓународниот фактор. Потпретседателот на Соединетите Американски Држави, Мајкл Пенс викендов испрати писмо до претседателот на Владата Зоран Заев во кое му изразува уверување за неговата континуирана поддршка во овој важен момент за земјата и за спроведувањето на историскиот договор од Преспа со Република Грција. Во своето писмо Пенс нагласува дека 90 отсто од оние што гласаа на референдумот го одобрија договорот од Преспа и со тоа ја потврдија огромната посветеност за европската иднина на Република Македонија. – Соединетите Американски Држави ја споделуваат вашата посветеност за поголема сигурност и стабилност на регионот. Бидете уверени во мојата континуирана поддршка во овој важен момент за вашата земја, пишува потпретседателот на САД во своето писмо до премиерот Заев со кого минатиот месец имаа средба во Вашингтон. Високата претставничка за безбедносна и надворешна политика на ЕУ Федерика Могерини вчера во интервју за МИА порача дека Преспанскиот договор е уникатна прилика за помирување и затворање на дводеценискиот спор помеѓу Скопје и Атина и дека оваа прилика може да не се повтори веќе. – Ги разбирам чувствителностите и комплексната историска позадина на спорот, како и изразените загрижености. Спорот не постоеше толку долго без причина, меѓутоа, како што видовме во минатото, колку повеќе времето минува, толку е потешко да се изнајдат решенија. Преговарачкиот процес мора да бил болен и резултатот е компромис. Но, е компромис со кој успешно се исполнуваат клучните интереси на двете страни. Нашата позиција е јасна: ЕУ целосно го поддржува постигнатиот договор. Ова е уникатна можност за помирување на Западниот Балкан која можеби нема да се повтори. Се надевам дека сите страни ќе ги зграпчат моментот и дека ќе обезбедат иднина во ЕУ за земјата, иднина која цела нација се надева со години да стане реалност. МИА СОБРАНИЕПРАТЕНИЦИУСТАВНИ ИЗМЕНИ Спонзорирано видео

Уставните промени според договорот со Грција пред пратениците