Актуелниот МВП не го доигра натпреварот, бидејќи на шест минути до крајот беше исклучен од натпреварот поради конфронтација со еден од судиите.
„Мислам дека не заслужив да бидам исклучен, бидејќи само му реков на судијата, ‘досуди фаул’. Мислам дека тоа беше чист прекршок“, рече Србинот по натпреварот.
Без разлика на крајот, Јокиќ беше најдобар на паркетот и постигна 28 поени, 19 скока и 9 асистенции. Давис Бертанс беше најдобар кај Визардс со 21 поен.
Голден Стејт славеше со 102-100 на гостувањето кај Индијана. Стеф Кари постигна 26 поени од кои пет тројки, но не успеа да го сруши рекордот на Реј Ален. Тоа веројатно ќе се случи на следниот натпревар на Голден Стејт, бидејќи на Кари му требаат уште две тројки за да го мине Ален на вечната листа со 1.973 тројки во НБА.
Џесјон Тејтум одигра феноменален натпревар и со 42 поени и Бостон го совлада Милвоки со 117-103. Далас и без Лука Дончиќ во составот стигна до триумф од 120-96 против Шарлот и тоа благодарение на Кристапс Порцингис и Треј Бурк, кои искомбинираа 46 поени.
НА ОСТАНАТИТЕ НАТПРЕВАРИ
Кливленд – Мајами 105-94
Торонто – Сакраменто 124-101
Атланта – Хјустон 126-132
Мемфис – Филаделфија 126-91
ЛА Клиперс – Феникс 111-95
