Српскиот кошаркар Никола Јокиќ стана татко откако неговата сопруга Наталија утрово роди девојче.
Ѕвездата на НБА и кошаркар на Денвер Нагетс веќе долго време го најавува раѓањето на детето и го опиша како најсреќниот момент во неговиот живот.
Во неодамнешното обраќање до американските медиуми, Јокиќ рече дека има страст кон коњите и дека тоа најмногу го исполнувало, додека не го дочекал раѓањето на детето, што се оствари денес.
Stop for a second and give a round of applause for Mrs Jokić 👏
Jokić family and #MegaFamily just got a new member – baby girl Ognjena was born 🥳
Congrats to Nikola & Natalija 👨👩👧#malivelikiklub pic.twitter.com/d0ayvhbOHw
— KK Mega (@KKMegaBasket) September 30, 2021
Наталија и Никола веќе одлучија како ќе се вика детето. Имено, ќерката ќе се вика Огњена, што е старо српско име, не толку популарно во поново време.
Јокиќ минатото лето се најде на удар на критичарите во Србија откако одби да игра за репрезентацијата, а дополнително го разгоре „огнот“ со изјавата дека не се кае и дека повторно би го направил истото.