Николовска: Неприфатливо е Министерството за правда да чува документи само една година

Судијката Маргарита Цаца Николовска во вечерашното гостување во централниот Дневник на ТВ Сител, го коментираше случајот во Министерството за правда кое не ги чува документите за положен правосуден испит на кандидатите повеќе од една година.

Оваа информација се обелодени во јавноста по отворањето на постапката на Антикорупциската комисија, во врска со синот на Талат Џафери, со која се проверува дали синот на претседателот на Собранието имал соодветно образование кога полагал правосуден испит.

„Јас не можам да прифатам дека во eдно Министерство за правда документите се чуваат само една година. Тоа е нешто неприфатливо. А, од друга страна, на сите ни е познато дека било какви документи, било што и да поднесеме, било каде, имаме повратна листа на која се удира печат и на која стои кога сте го предале итн. Ако ништо друго, како ќе докажувате, утре, не во оваа, туку во друга ситуација, нешто што во рок сте поднеле“, изјави судијката Николовска.

Уште полошо е што 400 лица биле во таква ситуација, додаде таа и вели дека, целата оваа ситуација е само уште еден чекор кон зголемување на недовербата, на граѓаните кон инволвираните институции.

Доколку преземете содржина од оваа страница, во целост сте се согласиле со нејзините Услови за користење.