Нов играч со коронавирус и еден повреден во младата селекција пред средбата со Франција

Фудбалската репрезентација на Македонија до 21 година се подготвува за првите квалификациски натпревари од Европското првенство (ЕП) кое ќе се игра во 2023 година, а новиот селектор Драган Канатларовски се соочи со првите проблеми.

Пред стартниот натпревар против фаворитот во групата, младинската селекција на Франција, новиот предводник на У21-тимот нема да може да смета на тројца фубалери кои се најдоа на списокот поради ковид-19 и на уште еден поради повреда.

Поради позитивни ковид-тестови на воведните два меча нема да настапат Марио Младеновски, Адриан Хајдари и Димитар Тодоровски, а повреда ќе го спречи Амел Рустемоски да се стави на располагање на националниот тим на дуелот со Франција.

Натпреварот меѓу Франција У21 и нашата селекција ќе се игра на 2 септември во Ле Ман.

Доколку преземете содржина од оваа страница, во целост сте се согласиле со нејзините Услови за користење.