Нов рекорд во Бугарија со 914 заразени

19

Бројот на лица заразени со корона вирус постави нов рекорд во Бугарија. Со извршени 6.324 тестови во последните 24 часа, пријавени се 914 нови случаи. Ова е 95 повеќе од претходниот ден, кога беа регистрирани 819 позитивни примероци.

Бројот на хоспитализирани лица исто така расте – тие веќе се 1.426. Во изминатите 24 часа починаа 15 лица. Излечени се 1.891. Бројот на активни случаи во Бугарија е речиси 10 илјади, а 17 илјади луѓе се опоравиле од болеста.

Повеќето нови случаи повторно се регистрирани во Софија – 260. Бројот на заразени продолжува да расте во Благоевград, каде се пријавени 91 позитивен примерок, а во Пловдив се регистрирани 85 нови случаи. Министерството за здравство и Оперативниот штаб велат дека мерките мора да се почитуваат затоа започнуваат засилени инспекции за носење маски во затворен простор.

Доколку преземете содржина од оваа страница, во целост сте се согласиле со нејзините Услови за користење.