Нова снимка од апсењето и убиството кое ги шокираше САД: Ова јасно покажува дека полицијата лаже!

191

Новата снимка која ја објави “CBS Evening News” јасно го прикажува апсењето на Афроамериканецот Џорџ Флојд кој почина откако полицаецот Дерек Чавин со колено му го имаше притиснато вратот пет минути.

Имено, на снимката може да се види дека Флојд воопшто не им дава отпор на полицајците, што е спротивно од изјавата на портпаролот на полицијата кој тврдеше дека Флојд давал отпор при апсењето.

Полицаецот Дерек Чавин со колено го имаше притиснато вратот на Флојд кој го молеше да не го убива: „Немојте да ме убивате, ве молам, не можам да дишам“.

За жал, Флојд почина, а поради неговата смрт веќе два дена по ред демонстранти се собираат на улиците и бараат правда. Во текот на ноќта избија и судири во кои демонстрантите запалија и ограбија продавници во близина на полициската станица во која работеле полицајците.

Доколку преземете содржина од оваа страница, во целост сте се согласиле со нејзините Услови за користење.