Новата претседателка „го симболизира единството на грчката нација“, порача Мицотакис

Премиерот Киријакос Мицотакис го поздрави изборот на Катерина Сакеларопулу за нов претседател на Грција, велејќи дека оваа личност, како поранешен врвен судија, ја симболизира „транзицијата на земјата во новата ера“.

Говорејќи пред новинарите по гласањето во парламентот, Мицотакис рече дека изборот на 63-годишната прва дама претседател на државата „го симболизира единството на грчката нација“.

„Тоа покажа дека Грците можат да постигнат консензус за поголемите прашања“, рече премиерот, додавајќи дека е уверен дека двајцата можат „ефикасно да соработуваат“ во иднина.

Доколку преземете содржина од оваа страница, во целост сте се согласиле со нејзините Услови за користење.